VƏTƏNİN UNUDULMAZ QƏHRƏMANI: 44 GÜNLÜK VƏTƏN MÜHARİBƏSİNİN ŞƏHİDİ ZAMİNƏLİ SULTANOV ​Vətən torpaqlarının ərazi bütövlüyü uğrunda canından keçən, qeyrəti və igidliyi ilə adını tariximizə həkk edən qəhrəmanlarımızdan biri də #Saatlı rayonunun #QaraNuru kəndinin qüruru — 44 günlük #Vətən müharibəsinin #şəhidi #Sultanov #Zaminəlidir. ​25 oktyabr 1999-cu ildə dünyaya göz açan Zaminəli, böyüyüb boya-başa çatdığı tərbiyəli, alicənab və nümunəvi ailənin göz bəbəyi, evin tək oğlu idi. O, ailəsinin ümidi, dayağı olmaqla yanaşı, qəlbində böyük Vətən sevgisi gəzdirən cəsur bir gənc kimi yetişmişdi. ​44 günlük Vətən müharibəsi başladıqda torpaqlarımızın azadlığı uğrunda ön cəbhəyə atılan Zaminəli, döyüşlər zamanı böyük şücaət və mərdlik nümayış etdirdi. Vətənin bütövlüyü, torpaqlarımızın azad olunması naminə canını fəda edərək 21 oktyabr 2020-ci il tarixində şəhadət zirvəsinə ucaldı. ​Evin tək oğlu olmasına baxmayaraq, Vətən borcunu hər şeydən üstün tutan 44 günlük Vətən müharibəsi şəhidimiz Zaminəlinin əziz xatirəsi həm Qaranur kəndinin, həm de bütün #Azərbaycan #xalqının qəlbində əbədi yaşayacaqdır. ​Ruhun şad olsun, cəsur Vətən oğlu! Hörmətlə #Elşad #Həşimov